Åshild (24) sin TV slår seg av på mystisk vis
Sjå for deg at du sit heime i sofaen seint ein laurdagskveld og slappar av framfor TV-en. Plutseleg slår han seg av, og du får varsel om at overvåkingskameraet ditt har registrert rørsle. Ute står det ein mann med hette. Dette skjedde nyleg med Åshild Jordalen på Stord. TV-en hennar blei slått av tre gonger, truleg av ein person med universal-fjernkontroll. Fleire naboar i Valvatnaområdet har også meldt om hærverk og eggkasting den siste tida. Seksjonsleiar for etterforsking i Stord-politiet, Kim Nedrehegg, oppmodar folk om å melda slike hendingar formelt til politiet. (Video: Tuva Åserud)